Eis Projeten

Footer_small-blank

D’Educatioun ass ee fundamentaalt Recht fir all Kand op dëser Welt an dofir ass et och an der Internationaler Kannerrechts-Konventioun vun de Vereenten Natioune festgehalen. Leider ginn et nach ze vill Länner, an deenen net all Kanner de Privileg hunn fir an d’Schoul ze goen an hei liesen a schreiwen ze léieren.

Momentan sëtzt d’ONG Guiden a Scoute fir ENG Welt hiren Accord Cadre 2015-2017 a Realitéit ëm, a mir wëllen Iech op dëser Platz eis aktuell Projete presentéieren. Et sief awer ënnerstrach, dass mir mat eise Partner a Bolivien, dem Niger an dem Senegal schonn op eng laang Zesummenaarbecht zréck kucke kënnen an eis Partenariater wäit iwwer d’Joer 2015 ewech zréck ginn.

All eis Projete sinn am Guide/Scoutsgeescht entstanen a vermëttelen d’Wäerter vum Guidissem a Scoutissem.